شعر وابوذيات منوع بقلمي

من افز من نومي يم العين اشوفك
اريدك رغم كل مشاكلك وضروفك
بل فيس بوك على اسمك كاتب ما اعوفك
ويشهدلي تويتر والياهو سويه
اقترب لاتبتعد وتقصد تعذبني
لان فركاك ضيم حملني
احبك لاتكل للناس وحبك والله خبلني
تستمر علاقتنه رغم الحاقدين
عيون ناس من تباوع توكع طيبين
لان نص العالم خيانة واحنه الوفيين
وتستمر للدوم محبتنه سوية
طبع بينه الوفه ماتهزه جبال
ومن تهب العاصفة ماتطيرنا رمال
وقلبنه نصبناله بساحة تحرير تمثال
حتى يضل رمز للحبجيه
قبلت بحالتك وانت تدمرني
احبك واتمنه من عندك ماتفشلني
من نشال قبر حبنه كل فرحتلي
صدك لوكالو انا بيا حال ودفان يغمزلي
سميتك قلب وروحي بعد شسميك
سميتك نظر عيني بعد شسميك
سميتك وردة عمري بعد شسميك
باله اسألك شمسميني اليه
فركاك دمر اعصابي مشاتقلك ياذهب صافي نذرت لو اشوفك هسه امشي لكربلا حافي
احس نار تشتعل بصدري من تمسني
جكارة روح تشعلني من تمسني
اسألك باله انت تحبني من تمسني
لو مجرد شهوات وتستغلني اليه
من بين السنين الحلوه والمره
ومن بين دمع والحسرات والعبره
تغدر بيه يابذات والواقع صاير تنكره
ليش مو حبيب روح جنت اسميك يمكن جنت تكره
خليني ساكت لان كلبي من محبتك تبره
جنت بألاخلاق امدح بيك واصيحن من الله دره
هسه هواي انت تغيرت خشمك ع سواك مكبره
تطعني من ظهر وانا ابو الوفيه
يلمعذبني ليش تتركني بحسره وجروح
وانوح كل ليلة بغيابك أنوح
غير لازم تكلي كبل لتروح
رحت وعفتني بهم واذيه
من كثرة الاشواق شكيت الهدوم
ومن هجرك عليه نهزت لمتون
ومنتظرك طول لعمر يابعد العيون
نسيت انساك يذاتك وفيه
وهاي قصيدة
موتي ياحبيبت الروح موتي وخلصيني
ماخلطت اني وياج وانتي تعرفيني
بطبعي هادئة وطيب مو انتي كتيلي
ليش خنتي الامانة لبيها نصحتيني
جازيتج بكلشي تريدي وانتي هيجي تجازيني
ها تاليته وياج قلب ثاني سميتني
موتي ياحبيبت الروح موتي وخلصيني
مره زمن فرني مره فرهم
اجة ساعة الهلاك التدمرهم مره فرهم
بديلاب الوكت صعدو مره فرهم
ومن طاحو وكعو بيديه
رغم بعد المسافات اني حبيتك
واشتاك الك كل لحظة واحس اني بيتك
واذكر كل ايامنه لحلوه سجلها تاريخك
ليش خنت كلبي وكتلي ماريدك
حرامات تنسى البشر لسوه شخصيتك
ولصنع من شخصك انسان وبنص ناس عليتك
هيجي سوي لحبك هاي تاليتك
وعفتني بجروحي وتضحك عليه
لاتعتذر لاتعتذر يابذات
قصتنة قصيرة وبيها البطل مات
وشيعو كلبي وبنص الكلب ضربات
عليها اثار الخيانة وطعنات
ونقلوني لمستشفى الحب لقسم الاهات
اول مال قريت اسم لقسم زادت الونات
لاتكلي اني اسف لان وكت الاسف فات
غدر بيه زمان وتعبني اليه
صبرت هواي على فراكك
ودمعتي تشكي يم بابك
وادري ما ناسي احبابك
شون تنساهم وهمه اهل الوفيه
شحسبلك ذنب ذنبين صارن بـالعدد ميه
أولهن نسيت أهواك وألثاني أغدرت بيه
و ألثالث ذنب معروف هجرك شنو تاليه
و ألرابع بعت أسرار للعذال مخفيه
والخامس عفتني مريض و ما تعرف شنو ألبيه
أبطل لو أظل أحسب عليك أذنوب مخفيه
وأذا ذبك قطار ألشوك تره كلبي مو محطة أيشيل عبرية
وشكرا اتمنى ان تنال اعجابكم بقلم الشاعر ايمن الساري بانتظار ردودكم