شعر شعبي عراقي منوع

مرةاگول انساك بس مو بدية *** ارجع واظل اهواك غصبن علية
تمشي وتظل للدوم كلك شهامة *** والغيرة من تضيع انتة العلامة
كل لحظة أفكر بيك كل ساعة كل يوم .... حته من أغمض العين تطلعلي بالنوم
تدري اشوكت انساك واسمك علي يهون *** من تسمع انا هناك بالنجف مدفون
لو تدري بالنقال من ارسل اشكال *** تم انتقال الروح مو تم الارسال
ظيم وقهر واحزان وترعد مصايب *** الدنيا هيج وياي من انته غايب
روحي انه حايط طين ومسيس بماي *** انثلم بس ما طيح ومحير عداي
الرد
صح انت حايط طين بس ساسه مرمر ***" ينكسر جاري الماي من يمه لو مر
ترجف عليك اعضاي كل ساعه وتلوج *** ودموعي عالخدين روج بأثر روج
كلش كرهت الروح كمت احسد المات *** من كثر مالاكيت بالدنيه صدمات.
أبوذيات
اعيوني لشوفتك ركضن - وجداً
واريدك مو لعب فعلاً - وجدا
وانه اهواك عن ابا - وجدا
واحبك من عصور الجاهليه
يطارش هاك مكتوبي وسر بيه
حنين الكلب بسطوره وسر بيه
اخبره شوكت نتلاكه وسر بيه
وعلى كل بيت اطشن واهليه
فراكك حطم المهجة وسلها
وحبك صار الي غاية وسلها
هاك عيوني يا حبي وسلها
اذا شافت النوم اعتب علية
الوكت هيهات ما لحظة نصفنة
ونحيرة الشاف حالتنة نصفنة
نصف للغير ثروتنة ونصفنة
ضاع ابين كومة سرسرية
العمر يا صاح من هجرك تمرمر
بدليلي سهام احزاني تمر مر
انشدك هم كبل ضايك تمر مر
التمر مر بغيابك مر علية.
حبك شامه بخدودي ودكــه
واحط بالكلب بسمارك وادكه
شكم دكه شفت منك ودكــه
ورغم كل هذا احبك مو بديه
زهيري
بغداد يامنبعي صدكيني انت الاصل
وفجرية لأجلج انة يومية اكعد وأصل
بوش النذل من اجة ولمن بجيشة وصل
واعدنة بالاعمار وباك النفط وانهزم
لولة الخيانة امس جان انخذل وانهزم
منصير واحد اذن ولجيشه احنة نهزم
ونحرر احنة الوطن لو حتة نتكطع وصل
ياكلبي لاتشتكي الغير واحد احد
ولو طحت بالمشكلة ماتضر غيرك احد
ايام تجزي وتمر جمعه وسبتهه واحد
بطران كلمن يظن هواليظل بيهه
وتعبانه روحي صدك ماظل صبر بيهه
خسران كل دنيته وشعنده مابيهه
مايظل بيهه تره بس هو واحد احد
سكران بمودتك ماعاد لي صحوة
وغيوم حبك جزت منها وصحت صحوة
وعيدان حبك جفت لامطر ولا صحوة
بس البرق والرعد واترابها يذري
وكل ساع فوك الجرح بيدك ملح تذري
واذا نويت الهجر اضربني ابذري
واحسبني عالقاعدة وسوي علي صحوة
تحياتي .