نقدم لكم مجموعة من الـ قفشات عراقية و اشعار حب عراقي مختلف .. شعر شعبي عراقي منوع رائع
بلا كلمه شلونك سولف وياي
ياخير التريده بهجرك يصير
اسم الله من جنت اعثر تصيح!
هسه اوكع كبالك تفرح عيونك!؟
صمنة وفطرنه سنين لا عطش لا جوع!
بس شوفه الغاليييين تاكل بالضلوع “
يل جنك هوه.
مشتاك اشم ملكاك
مثل الرسالة اطبگت
صرت “بظرف” كلش صعب !
جاي يم جروحي تتحرش شجاك
مو جبيره جروحي شو ما تحترم
مفاركَـ محب بعيونه تقره الشوكَـ
بملامح وجهه ركـز واضحـه الـفركَه
اذا كتلك احبك قابل اشصار
جريمه تصير اذا أعلن محبتي
مو بيدي –احبك — بيك مجنون
ونسيت أهلي وعفت ربعي وصحبتي
على كيفك يعمي تريدني أنساك
ما أنساك لو تنكص ركبتي .
يا اول عشك شلتك درع بالروح
وطلع درعك جذب مو مثل سجينك
عجب تجرح كلب ينزف حنان وشوك
وتدوس احلام عمري بذني رجلينك
ردتك للجرح بلسم كلت بعدين
مو لعبة الجرح شتفيد بعدينك
ما ناكل عسل من الله حلوين ..!
وما نشعل شمع من كاعنة منورين
نزل يمي البدر من شافني ابجي عليك
وصد ليه وسألني وكــــــــــــالي شبيك
مكسور الجناح ودمعتك بالعيــــــــــــــن
شنو القصه حبيـــــــبك دوم ناسيــــــك
وعلامك تكسر الخاطر توالي الليــــــــل
بس تبجي وتـــــــــــنوح وعبرتك بيــــك
كتله يا بدر ليش الحبيب ايــــــــــــــروح
وليش اللي تــــــوده بقصــــــــــد ياذيك
وليش اللي صغتـــــــله ادموعك اكلادات
يزرع بيك دمعـــــــــــه ومــــــــــا يرويك
وليش الجـــــــرح من ينزف الم وهموم
وولفك لاهـــــــــــــــي عنك ما يمر بيك
ولا ينظر لحالك والنـــــــــــــــزفت عليه
حار ابجرح غيرك ما يـــــــــداويك
شكثر كالولي عوفه وما سمعت الناس
وجنت لازم اعووفه وماتركتـه اني
هو العافني وخلاني اشوف الويل
وراجع هسه ليه يكول يهواني
بعد ماريده اني ولا اريد اهواه
داس اعلى الكرامـه وحيل اذاني
شفت عصفور ميت كل جرح مابيه
حرت هاي المنيه شلون ماخذته
شلت راسي شفت بالشجره عش مهجور
طلع هذا السبب والفركه كاتلته
يالمنطيني ظهرك عادي الله ويـــــــــــاك
بس سولفلي وجهك المن انطيتـــــــه ؟؟
يوم موادعك جن حمزه من طاح
شتضن ضل واهس بفلم الرساله؟
من كد ما شغلت
البال وانته بعيد
* شعلومه … *بغيابك
حاتم يغني
تابعونا
الأربعاء ديسمبر 03, 2014 9:07 pm من طرف 
موضوع: شعر قفشات عراقية - شعر عراقي منوع قصير ورائع 
